එහෙම වෙන්නේ ඇයි? 4

එහෙම වෙන්නේ ඇයි? මේ මාතෘකාවෙන් කලින් ලිපි 3ක්ම ලිවුවා මතක ඇතිනේ.. ටික දවසකට අමතක වෙලා තිබ්බ ලිපි ටික ආයෙම ලියන්නයි මේ කල්පනාව..

සුවඳ විලවුන්.. සුවද  විලවුන් වලට ඉතින් කොයි කවුරුත් කැමතියි නේ.. කොල්ලෝ කෙල්ලො වෙනසක් නෑ.. හැමෝම කැමති සුවඳ විලවුන් වලට.. මේ මමත් කැමතී.. ලංකාවෙදි නම් අපිට ඔය සුවඳ විලවුන් මිලදි ගන්නවත් ඒ ගැන ප්‍රචාරණ දැන්වීම් යන්නවත් නියමිත කාලයක් නෑ.. කොටින්ම ඉතින් ලංකාවේ වැඩි ප්‍රචාරණයක් නෑ නොවැ..

මම ඉතාලි ගොඩ බැස්සේ සමර් එකේ මුල් කාලේ ඒ කියන්නේ මැයි මාසේ.. ඒ මුල්ම කාලේ අන්තර්ජාලය එහෙම දැන් වගේ පාවිච්චියක් නැති නිසා ගොඩක් වෙලාවට හිටියේ ටී.වි එක දාගෙන..  කොටින්ම ඉතින් භාෂාව නොදන්න කාලේ ඒක ඉගෙන ගන්නත් එක්ක ටී.වී බැලුවා.. අනික ඉතින් ලංකාවෙදි වගේ කපල කොටලා කොටුදාලා මෙහේ පෙන්නන්නෙත් නෑනේ.. ඉතින්  හරි ආසාවෙන් ටී.වී එක බලනවා..

ටික දවසක් යද්දි යන ප්‍රෝග්‍රෑම් වගේම වෙළද දැන්වීමුත් හොදට මතකේ තිබ්බා.. ටික කාලයක් ටී.වී එකේ ඔහොම හැම දෙයක්ම බලන් ඉද්දි එක පාරම හිතට ආව දෙයක් තිබුනා.. ඒක තමයි අද මේ කියන්න යන ප්‍රශ්ණය..

" සීත කාලෙට සුවද විලවුන් වර්ග වැඩි ඇයි?"

සෑහෙන බොන්න ඕන ප්‍රශ්ණයක්ද? හ්ම්ම්.. මුලින්ම මටත් හිතුනේ නම් එහෙම තමයි.. ප්‍රෝග්‍රෑම් එකක් අතරතුරේ යන වෙළද දැන්වීම් වලින් වැඩි හරියක්ම මේ සුවද විලවුන් ගැන.. ලෝකේ තියෙන ඉහලම බ්‍රෑන්ඩ් වල සුප්‍රසිද්දම නළු නිළියෝ දාලා යන ඇඩ් වලින් අඩුවක් නම් නෑ..

" මේ අයියේ මොකෝ මේ කාලෙට මේ ඇඩ් වැඩි?"

" මුං මේ කාලෙට නාන්නේ නෑනේ ඒකයි.."

සරළම කෙටිම උත්තරය.. ඒත් ඉතින් ඔහොම කිවුවට මදිනේ.. ටිකක් පැහැදිළි කරන්න ඕනනේ..  :)

ඔය උඩින් කිව්ව උත්තරේ තමයි ඇත්තම උත්තරේ..  ඔව් මුං නාන්නේ නෑ.. දැන් ඉතින් හැමෝම අහාවි ඒ මොකද කියලා.. ඒකට තියෙන එකම උත්තරේ තමයි හීතල..

" ඇයි බං ඔහේ උණු වතුර තියෙන්නේ.."

දැන් ඉතින් කෙනෙක් එහෙම හිතාවි.. ඔව් ඕන තරම් නාන්න උණු වතුර හීටර්ස් හැම ගේකම හයි කරලා තියෙන්නේ.. ඒත් තියෙන ප්‍රශ්ණේ ඒක නෙමෙයි..

සම්පූර්ණ නිරුවත් වෙලා  නාන්න ෂවර් එක ලගට යන්නයි, නාලා ඉවර වෙලා ඇග ඔකොම පිහිදගෙන කරගෙන ආයෙම එලියට එන්නයි තියෙන කම්මැලිකම.. මේ තියෙන තද සීතලත් එක්ක ඔය කොයි වෙලේ වුනත් නිරුවත් ඇගට තද සීතලක් දැනෙනවා.. උණු වතුර නාලා ඉවර වුනාම ඒක තවත් වැඩී.. අත්දැකීමෙන් කියන්නේ..

හැබැයි ඉතින් මෙහෙමයි.. ඕනම ගෙදරක ඔය කාලෙට ගිණි උදුන් දැල්වෙනවා.. ඉලෙක්ට්‍රික් ඒවා.. හැම කාමරේකම තියෙනවා.. ඕක ඔන් එකේ තියෙද්දි නාලා එද්දි හිතල දැනෙන්නේ අඩුවෙන්.. ඒත් නොදැනෙනවාම නෙමෙයි..

ඉතින් ඔන්න ඔය කාරණේ නිසා තමයි මුන් නාන්න පෙළබෙනව අඩු.. බොහො විට සතියකට විතර සැරයක් නානවා.. එහෙමත් නැත්නම් සැලෝන් එකකට ගිහින් කොණ්ඩේ හෝද ගන්නවා.. එහෙම වෙලාවට ඉතින් ගද ගහන එක අහන්නත් දෙයක්ද.. අන්න ඒ වෙලාවට තමයි සුවඳ විලවුන් වල ඕන කම එන්නේ.. නෑවේ නැතත් හැමදාම සෙන්ට් නාලා තමයි ගෙදරින් මුං එලියට බහින්නේ..  කාන්තාවෝ තමයි ඉතින් වැඩියෙන්ම..


මෙන්න මේ කාරණේ නිසා වින්ටර් එක කියන්නේ සුවද විලවුන් අලෙවි කරන්නන්ටනම් හොද කාලයක්.. මොකද නාන්න අකමැති අය අනිවාර්යෙන් ගන්න නිසා.. හැබැයි ඉතින් ඔන්න හැමොම මෙහෙම නෑ.. හිතල වැඩිනම් කපල් එක පිටින්ම එකට නාන අය ඉන්නේ.. අපේ ඔය දොත්තොරෙස්ස අක්කත් අන්න එහෙම තමා.. දැන් ඉතින් අහන්න එපා මම කොහොමද ඒක දන්නේ කියලා..

ඉතින් ඔය ප්‍රශ්ණෙට උත්තරේ ඔන්න ඕකලු.. හැබැයි ඉතින් වින්ටර් එක කෝම වුනත් සමර් එකටනම් ඉතින් මේක මීට වඩා වෙනස්.. මුන් ඉන්නේ මුහුදේ බැහැ ගත්ත ගමන්.. සමර් එකේ වැඩියෙන් සෙන්ට් සුවදක් එක්ක කෙනෙක් පාරේ හම්බුනොත් ඒ නාන්නේ නැති එකෙක් තමයි.. 

විශේෂයි : ඔන්න මමත් ලිපි 400 ලිවුවලු හොදේ... :)